Press Release
February 28, 2018

Ang POPCOM-10 miduyog sa nasod sa Pilipinas sa pagsaulog sa World Population Day uban sa tema nga: “Family Planning Is A Human Right”. Kini nga tema gibasi sa United Nations International Conference on Human Rights sa Proclamation of Teheran Niadtong 13 May 1968, sa ato pa, ang pagplano sa pamilya usa ka tawhanong katungod nga dili mahimong ihikaw ni bisan kinsa.

Ang nasangpit nga proklamasyon mitumbok sa katungod sa mga ginikanan sa pagplano sa kadaghanon sa mga anak og paglat-ang sa pagpanganak. Sila gayud ang magplano, dili ang kagamhanan/gobyerno ang magbuot kanila.

Sa mga nilabay nga katuigan: ubay-ubay na nga mga kasabutan, treaties ug conventions kabahin sa maong katungod sa mga magtiayon nga gibalik-balik ug hisgot diin ang Pilipinas kabahin sa nisalmot og tipik niini mao ang CEDAW –(1979: Convention on the Elimination of all Forms of Discrimination Against Women); 1994: icpd: (Cairo International Conference on Population and Development) ug uban pa.

Matud pa ni UNFPA Executive Director Dr. Natalia Kanem, sa tibuok kalibutan mikabat na sa 700,000 million nga kabayen-an ang migamit niining mga modernong pamaagi sa family planning.

Sa Pilipinas, sumala sa datus sa National Demographic & Health Survey, 44.9% pa lamang sa mga Married Couples of Reproductive Age (MCRA) migamit sa modernong pamaagi sa family planning. Kini nagpasabut nga ubay-ubay pa sa mga magti-ayon ang nanginahanglan sa impormasyon og tukma nga serbisyo bahin sa pagplano sa pamilya.

Matud pa ni POPCOM-10 Reional Director Jeremias C. Gupit, “Daghan nga mga stratehiya ang gibuhat sa POPCOM arun masabtan gayud ang programa sa family planning sa tanang sektor sa katilingban og napalapdan kini pinaagi sa pagtimbayayong sa mga ahensya sa kagamhanan sama sa DILG, DOLE, DOH, PSA, DSWD, og Local Government Units.”