Press Release
April 16, 2020

Sa ika-23 nga tigum sa Inter-Agency Task Force for the Management of Emerging and Infectious Diseases (IATF-EID) gi-aprobahan ang paggamit sa “Demographic Vulnerability Tool” o DVT nga gihimo sa POPCOM nga makatabang ug subay sa mga lugar or kahimtang nga daghan ang pwede matakdan sa COVID-19. Ang DVT usa ka instrument o “tool” nga magamit sa pagamhanang lokal para sa pagtabang sa mga naapektuhan.

Ang DVT magbase sa pagtukisa upat kaimportante nga timailhan sa kada barangay: 1. Gidaghanon sa mga balay nga adunay ka dakuon nga 20 metro kwadrado; 2. Kadaghan sa mga indibidwal nga gapuyo sa us aka balay; 3. Kadaghanon sa mga indibidwal nga nag-edad 60 pataas nga nagpuyo sa balay nga adunay kadakuon nga 20 metro kwadrado; ug 4. Kadaghanon sa mga indibidwal nga nag-edad 60 pataas nga nagpuyo nga nag-inusara.

Matud ni POPCOM Undersecretary Juan Antonio A. Perez III, “Samtang gatuon kita mahitungod sa COVID-19 ug kung aha kini gakaylap, kanunay kitang mabiyaan tungod kay duhaka semana una mugawas ang simtomas sa maong sakit”. “Kung kahibalo ta aha ta huyang, mas madependahan nato ang atong kaugalingon ug mabantayan nato ang mga komunidad kung aha mabuhi ug mukaylap ang sakit”, dugang ni Usec Perez.

Paghatag sa impormasyon ngadto sa barangay

Sa pagtugot sa IATF-EID, ang POPCOM magahatag sa tanang barangay sa rehiyon (2, 020 barangays) sa mga lugar nga gitoohang huyang base sa kagamayon sa puluy-anan ug sakadaghanun sa mga senior citizens nga nagpuyo sa mga lugar nga dali maapektuhan sa COVID-19.

“Kini nga impormasyon makatabang arun masabtan sa mga local nga pagamhanan kung unsa kaimportante ang pagpatuman sa balaod kalabot sa COVID-19 nga programa. Pwede nila unahon pagcontact trace ang mga barangay nga adunay kumpirmado nga kaso pinaagi sa ilahang mga health ug population officers. Sa ani nga pamaagi pwede magpahigayun ug targeted testing para sa mga tao nga maapil sa contact tracing, apil usab ang mga suspect og probable cases, labi na ang mga nag-edad 60 pataas ug kadtong adunay mga gitawag nga co-morbidities sa ilahan glugar”,sumala ni Usec. Perez.

Physical Distancing: Lisud sa mga barangay nga daghan ug tao pero gagmay ug mga balay

GipasabutniUsec. Perez nga arun makab-ot ang physical distancing, matagbalay nanginahanglan ug labing gamay 6 metro kwadrado kada tao. Kini nagpasabot nga sapagtuman sa mga programang kontra COVID-19, ang mga local chief executives makahatag ug prayoridad sa mga komunidad nga gagmay ug balay pero daghan ang nagpuyo.

Ang POPCOM X  nagkalap sa mga kinahanglan nga impormasyon arun makita kung unsa nga mga lugar o barangay ang adunay daghang mga balay nga adunay sukod 20 metro kwadrado paubos ug mga balay nga adunay senior citizen, labi na gayud ang mga panimalay nga naay senior nga nagpuyo nga nag-inusara.

Sa pagkakarun, 3 kadagkong syudad ang giuna pag-analisa sa POPCOM, mao kini ang Cagayan de Oro City, Iligan City, ug Valencia City, kung asa aduna nay mga kaso sa COVID-19.

Pinaagi aning DVT, mas masabtan sa mga mayor ug mga local nga opisyal kung unsa nga mga lugar ang ilahang unahon paghatag ug atensyon arun mapugngan ang pagdaghan sa kaso sa COVID-19.